Latviya keçmiş prezidentlərin dövlət hesabına saxlanmasına son qoymağa hazırlaşır
Keçmiş prezidentlərə dövlət dəstəyinin dayandırılmasını tələb edən təşəbbüs Latviyada populyarlıq qazanır.
AFN.az yerli mediaya istinadən xəbər verir ki, müvafiq petisiya Manabalss saytında dərc olunub və artıq 8000-dən çox imza toplayıb.
"Keçmiş prezidentləri dəstəkləmək üçün xalqın pulundan istifadəni dayandırın" adlı təşəbbüsün Latviya Seyminin müzakirəsinə çıxarılması üçün 2000-dən az səs qalıb. Müraciət müəllifləri bildirirlər ki, sabiq dövlət rəhbərinin maliyyələşdirilməsindən imtina cəmiyyətdə müsbət qarşılanacaq.
"İndi müəllimlərin, həkimlərin ümumiyyətlə pulu yoxdur. Etiraz edirlər, pəncərələri sındırırlar və Köhnə Riqanı az qala sökürlər. Amma bu prezidentlər belə pulları yandırırlar. Onlar üçün fondlar var - mənzillər və s. Üstəlik, onların hamısı müstəqildir, onların pensiyaları elədir ki, biz ancaq arzulaya bilərik", - deyə təşəbbüsün yaradıcısı Vadim Kislov bildirib.
