Latviya ruslardan maşın alıb ukraynalılara verməyi planlaşdırır
Latviya Seymi Rusiya dövlət nömrə nişanlı avtomobillərin ölkəyə girişinin qadağan edildiyi qanun layihəsinə düzəlişləri birinci oxunuşda təsdiqləyib.
Bu barədə parlamentin saytında məlumat yerləşdirilib.
Dəyişikliklər əvvəllər Rusiyada qeydiyyatdan keçmiş avtomobillərin müəyyən edilmiş müddətdə məcburi yenidən qeydiyyata alınmasını nəzərdə tutur, əks halda onlar yığışdırılacaq. Qanun layihəsi iki variantı təsvir edir: nəqliyyat vasitəsinin qeydiyyata alınması və ya qanunun qüvvəyə mindiyi tarixdən sonrakı üç ay ərzində onun Latviya ərazisindən çıxarılması.
Ruslardan ələ keçirilən və müsadirə edilən avtomobillər ukraynalılara verilməli, əvvəlki sahibləri isə cərimə olunmalı idi. Eyni zamanda, Rusiya avtomobillərinin ölkədə istifadəsinə yalnız onun ərazisindən tranzit keçdiyi halda icazə veriləcək.
Qanun layihəsinin Seym tərəfindən yekun qəbulu ikinci oxunuşda baş tuta bilər və bu halda onun noyabrın 15-də qüvvəyə minəcəyi gözlənilir.
