Bolqarıstan Rusiya dövlət nömrə nişanlı avtomobillərin ölkəyə girişini qadağan edib
Bolqarıstan Rusiya nömrəli şəxsi avtomobillərin ölkəyə girişini qadağan edən bəzi Avropa ölkələrinə qoşulub.
Gömrük İdarəsinin rəsmi saytında dərc edilən açıqlamada 10-a qədər sərnişin daşıyan Rusiya dövlət nömrə nişanlı nəqliyyat vasitələrinin ölkəyə girişi və tranzit keçməsi qadağan edildiyi bildirilib.
Avropa Komissiyasının tövsiyəsi ilə tətbiq edilən və Rusiyanın Ukraynaya qarşı apardığı müharibəyə görə Rusiyaya tətbiq edilən bu yeni qadağaya nəzarət Gömrük Agentliyi, Daxili İşlər Nazirliyi və Sərhəd Polisi daşıyacaq.
Rusiya diplomatik nümayəndəliklərinə məxsus avtomobillər ərizədən çıxarılacaq.
Ölkədəki bütün digər Rusiya nömrəli avtomobillərə Bolqarıstanı tərk etmək üçün 6 ay müddət verildiyi açıqlanıb.
Sərhəd polisinin rəisi Anton Zlatanov açıqlamasında bildirib ki, Rusiya dövlət nömrə nişanlı avtomobillərlə yanaşı, Rusiya vətəndaşlarına məxsus bəzi şəxsi mülklərə də qadağa qoyulacaq, onların siyahısı daha sonra müəyyən ediləcək.
Zlatanov qeyd edib ki, Bolqarıstana daxil olan Rusiya dövlət nömrə nişanlı avtomobillərin sayı nisbətən azdır.
