Pakistanda neft və qaz obyektinə hücum: 6 nəfər öldürülüb
İslamçı yaraqlılar Pakistanın şimal-qərbində təbii qaz və neft hasilatı obyektlərinə soxularaq dörd polisi və iki şəxsi mühafizəçini öldürüblər.
AFN.az-ın xarici mediaya istinadən məlumatına görə, bu barədə ölkə polisi bildirib.
Polis sözçüsü İrfan Xan deyib ki, 50-yə yaxın silahlıMacarıstanın MOL şirkətinin bölməsi olan "MOL Pakistan" Neft və Qaz Şirkətinin Əfqanıstanla sərhəd yaxınlığındakı Hanqu bölgəsindəki obyektlərinə hücum edib.
Polisin bildirdiyinə görə, silahlılar M-8 və M-10 kimi tanınan iki quyuya ağır silahlardan, o cümlədən qumbaraatanlardan atəş açıblar.
Baş verənlərə görə heç bir qrup məsuliyyəti üzərinə götürməyib.
Şirkətdən bildirilib ki, quyularda hasilat uzaqdan giriş vasitəsilə müvəqqəti olaraq dayandırılıb və hazırda onlar yerində araşdırmaya qədər mühafizə altındadırlar.
Şirkət digər quyulardan hasilatın davam etdiyini və hadisənin MOL-un Pakistandakı hasilatına təsir etmədiyini bildirib.
Onun sözlərinə görə, hücumdan sonra yaraqlılar əvvəlcə gəldikləri qonşu Şimali Vəziristana qaçıblar.
