Fransada 53 min təsərrüfat işıqsız qaldı
Fransada güclü fırtına səbəbindən evlərə və nəqliyyat vasitələrinə ziyan dəyib, 53 min təsərrüfatda elektrik enerjisinin verilməsi kəsilib.
AFN.az xəbər verir ki, milli mətbuatda yer alan xəbərlərə görə, ötən gecə Fransanın müxtəlif bölgələrində şiddətli fırtına tüğyan edib.
Fırtına ölkənin bəzi ərazilərində dağıntılara və elektrik kəsintilərinə yol açıb. "Enedis" elektrik paylayıcı şirkətinin məlumatına əsasən, 53 min təsərrüfat işıqsız qalıb.
Bu vəziyyətdən xüsusilə Overn-Rona-Alplar və Yeni Akvitaniya regionlarındakı evlər təsirlənib.
Overn-Rona-Alplar regionunun Obena şəhərində yüzlərlə avtomobillə yanaşı evlərin dam örtüklərinə və pəncərələrinə ziyan dəyib.
Təxminən 100 nəfərin evlərindən təxliyə edilərək təcili sığınacaq mərkəzinə aparıldığı şəhərdə ən azı 5 nəfər xəsarət alıb.
Eyni regionun Luara departamentinə daxil olan Sent-Etyen şəhərində tüğyan edən qasırğa 2 yük maşınının A72 magistral yoluna aşmasına səbəb olub.
Nəqliyyatın hərəkəti mənfi təsirləndiyi halda, eyni departamentdə yanğınsöndürənlər əlverişsiz hava şəraiti səbəbindən 600-dən çox müraciətə müdaxilə ediblər.
İzer departamentinin Sen-Kanten-Falavye qəsəbəsində də güclü fırtına nəticəsində bəzi ağaclar kökündən qopub, elektrik dirəkləri aşaraq evlərin damları fırtınanın təsirindən uçub.
