ABŞ viza qaydalarını sərtləşdirir
Amerika Birləşmiş Ştatları əcnəbi tələbələrə yönəlik viza tətbiqində mühüm dəyişikliyə hazırlaşır.
AFN.az xəbər verir ki, illərdir tətbiq olunan müddətsiz qalma sistemi ləğv edilərkən, tələbələrin müəyyən müddətdən sonra ölkədə qala bilməsi üçün yenidən təsdiq alması tələb olunacaq.
Dünyanın hər yerindən milyonlarla tələbənin üstünlük verdiyi ABŞ-da yeni tənzimləmə təhsil planlarına da təsir göstərə bilər.
Mövcud tətbiqdə əcnəbi tələbələr təhsil proqramları davam etdiyi müddətcə ölkədə qala bilirdilər. Yeni tənzimləmə ilə tələbələrə verilən qalma müddətinə dörd illik yuxarı hədd qoyulması nəzərdə tutulur.
Bəs bu dəyişiklik ABŞ-da təhsil almaq xəyalı quran tələbələr üçün nə məna kəsb edir?
Yeni tənzimləməyə əsasən, təhsil proqramı dörd ili keçən tələbələr təhsilləri davam etsə də, ölkədə qala bilmək üçün federal qurumlardan yenidən icazə almalı olacaqlar.
Mövcud sistemdə isə təhsil müəssisələri tələbələrin viza statuslarını proqramın müddətinə uyğun olaraq uzada bilirdilər.
ABŞ rəsmiləri tənzimləmənin məqsədinin miqrasiya sistemindəki sui-istifadələrin qarşısını almaq və əcnəbi tələbələrin ölkədəki statuslarını daha səmərəli şəkildə yoxlamaq olduğunu bildirirlər.
Nazirliyin açıqlamasına görə, tənzimləmə yaxın günlərdə rəsmi qəzetin qarşılığı olan "Federal Register"də dərc olunacaq. Qərar dərc edildikdən sonra 60 gün ərzində qüvvəyə minməsi gözlənilir.
Mütəxəssislər isə xüsusilə magistratura, doktorantura və digər uzunmüddətli akademik proqramlarda iştirak edəcək beynəlxalq tələbələr baxımından yeni tətbiqin əlavə bürokratiya və qeyri-müəyyənlik yarada biləcəyi qiymətləndirməsini edirlər.
