Almaniya Ukraynaya hərbi yardımı artırır
Almaniya hökuməti bu il Ukraynaya əlavə 3 milyard avro hərbi yardım ayırmağa razılaşıb. Bu, Bundestaq tərəfindən təsdiqlənən böyük maliyyə islahatları planınında əksini tapıb.
AFN.az xəbər verir ki, bu barədə "Reuters" məlumat yayıb.
Vəzifəsini tərk edən kansler Olaf Şolz Ukraynaya daha çox yardım üçün borclanma qaydalarının yumşaldılmasını ilkin şərt etməkdə israr edib.
Maliyyə naziri Yorq Kukis parlamentin büdcə komitəsinə əlavə vəsaitin ayrılmasına icazənin alınması üçün tələblərin yerinə yetirildiyini bildirib.
Nazirlik bu il əlavə 2,547 milyard avro xərcləməyə razılaşıb. Avropa Sülh Fondundan kompensasiya da daxil olmaqla digər məbləğlərlə birlikdə Almaniya 3 milyard avro ayıracaq.
2026-2029-cu illər üçün Kukis Ukraynaya 8,252 milyard avro hərbi yardım ayırmağı planlaşdırır, bununla da ümumi yardım məbləği 11 milyard avrodan çox olacaq.
Bundesratın yuxarı palatasının konstitusiya islahatını təsdiqləməsi şərti ilə büdcə komitəsinin martın 20-də vəsaiti təsdiq edəcəyi gözlənilir.
