Xalq Çilidə yeni konstitusiyaya "yox" dedi
Çilidə çevriliş dövründən qalma konstitusiyanı dəyişdirmək üçün ikinci dəfə sandıq başına gedən xalq “yox” səsi verib.
Çili Seçki Xidmətinin məlumatına görə, ölkədə yeni konstitusiyanın qüvvəyə minməsini istəyənlərin sayı 44,24 faiz, istəməyənlərin isə 55,76 faizdir.
Beləliklə, diktator Avqusto Pinoçetin dövründə hazırlanmış və dəfələrlə yenidən işlənmiş hazırkı konstitusiya qüvvədə qalıb.
Çili prezidenti Qabriel Boric La Moneda sarayında verdiyi açıqlamada, onların prioritetlərinin dəyişdiyini və səlahiyyət müddətləri ərzində yeni konstitusiya dəyişikliyinin olmayacağını bildirib.
