Kallas: Aİ müharibə şəraitində deyil
Avropa İttifaqı hazırda nə müharibə, nə də sülh şəraitindədir.
AFN.az xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Kaja Kallas deyib. O xatırladıb ki, Amerikanın yeni administrasiyası nisbətən yaxınlarda hakimiyyətə gəlib. "Biz hələ də onların yanaşmasına uyğunlaşırıq, lakin hələ görüləsi çox iş var", - deyə diplomat İspaniya mediasına müsahibəsində deyib.
"Biz Avropada hamımız narahatıq, çünki müharibədə deyilik, amma biz sülh içində də deyilik" - deyə Kallas bildirib. Onun sözlərinə görə, hökumətlər müdafiə xərclərini artırmaq üçün çətin qərarlar qəbul etməlidirlər: "Çünki ehtiyac duyduğumuz zaman bu investisiyaları etmək çox gec olacaq. Rusiya, İran, Şimali Koreya və Çin birgə işləyir, buna görə də demokratik tərəfdaşlarımızla, o cümlədən ABŞ, Kanada, Yaponiya, Cənubi Koreya və Avstraliya ilə əlaqələri gücləndirməliyik, yaxşı olanlarla birləşməliyik”.
