78-ci “Emmi” mükafatlarına “Widow's Bay” və Metyu Riss damğa vurdu
“Primetime Emmy” mükafatlarının 78-ci təqdimetmə mərasimində “Widow's Bay” gecənin ən çox diqqət çəkən layihəsi olub.
AFN.az xəbər verir ki, Los-Ancelesdə keçirilən mərasimdə tarixə düşən nəticələr qeydə alınıb və komediya kateqoriyasında ən yaxşı serial seçilən “Widow's Bay” ümumilikdə 6 mükafat qazanıb.
Gecənin ən çox müzakirə olunan adlarından biri Metyu Riss olub. Aktyor eyni il ərzində iki fərqli baş rol kateqoriyasında mükafat qazanan ilk kişi aktyor kimi tarixə düşüb.
Riss bu uğura “Widow's Bay” və “The Beast in Me” seriallarındakı rolları ilə nail olub. Bundan əvvəl “The Americans” serialına görə drama kateqoriyasında qazandığı mükafatla birlikdə o, üç fərqli janrda baş rol mükafatı qazanan ilk sənətçi olub.
“Hacks” serialındakı performansına görə komediya kateqoriyasında ardıcıl beşinci dəfə ən yaxşı qadın aktyor mükafatını qazanan Cin Smart da tarixə düşüb. O, serialın hər mövsümündə bu kateqoriyada qalib gələn ilk qadın aktyor olub.
Ən çox nominasiya ilə mərasimə gələn “The Pitt” ən yaxşı drama serialı və baş rol ifaçısı Nuh Uaylın mükafatları olmaqla iki mükafat qazanıb.
Elmi-fantastik serial “Pluribus” isə Ria Sihrnə ən yaxşı qadın aktyor mükafatını qazandırıb. Serial eyni zamanda ən yaxşı ssenari mükafatına layiq görülüb.
Ən yaxşı mini-serial mükafatı “DTF St. Louis”ə verilib. Köməkçi aktyor mükafatları isə “Widow's Bay”, “The Diplomat” və “Task” seriallarına təqdim olunub.
Mərasim zamanı bu il dünyasını dəyişən sənət dünyasının tanınmış simaları da yad edilib. Salli Fild vəfat edən musiqi və kino əfsanəsi Dolli Partona duyğulu şəkildə ehtiramını ifadə edib. Daha sonra Reba MakEntire sənətçinin “Appalachian Memories” mahnısını ifa edib.
Komediya dünyasının unudulmaz simalarından Ketrin O'Hara da ekran övladlarını canlandıran Makaulay Kalkin, Enni Mörfi və Den Levi tərəfindən yad olunub.
Gecənin digər diqqətçəkən məqamlarından biri bu il son buraxılışı yayımlanan “The Late Show with Stephen Colbert” proqramının variety serialı mükafatını qazanması olub.
Mərasimin canlı yayımı planlaşdırılandan 3 dəqiqə əvvəl başa çatıb.
