Avropa Rusiyadan bütün kənd təsərrüfatı məhsulları idxalına rüsumlar tətbiq edəcək
Avropa Parlamentinin (AP) üzvləri Avropa Komissiyasının Rusiyadan bütün kənd təsərrüfatı məhsulları idxalına rüsumların tətbiqi təklifini bəyəniblər.
AFN.az xarici mediaya istinadən xəbər verir ki, sənəd üzrə səsvermə qurumun Brüsseldə keçirilən mini-sessiyasında baş tutub.
Yeni tariflərin əhatə edəcəyi məhsullara şəkər, sirkə, un və heyvan yemi daxildir. 2028-ci ilə qədər rüsumlar hər ton üçün 430 avroya qədər artacaq.
Yanvarın sonunda Avropa Komissiyası Rusiya və Belarusdan gətirilən bir sıra kənd təsərrüfatı məhsullarına, eləcə də bəzi azot gübrələrinə rüsumların tətbiqi təklifini təsdiqləyib. Bu qərar qüvvəyə mindikdən sonra Rusiyadan idxal edilən bütün kənd təsərrüfatı məhsulları Aİ tariflərinə tabe olacaq. Eyni zamanda, Avropa Komissiyası vurğulayır ki, Aİ-nin Rusiyadan kənd təsərrüfatı məhsulları və gübrələrə tətbiq etdiyi rüsumlar Rusiyanın icma vasitəsilə üçüncü ölkələrə ixracına təsir etməyəcək.
Avropa Komissiyası bildirir ki, bu qərarın məqsədi Rusiya və Belarusdan idxaldan asılılığı azaltmaqdır. Bundan əlavə, tariflər enerji böhranı zamanı zərər çəkmiş yerli istehsalın və Aİ-nin gübrə sənayesinin artımını dəstəkləyəcək.
