Cənubi Koreyada prezident seçkilərinin tarixi müəyyənləşdi
Koreya Respublikasının hakimiyyət orqanları növbədənkənar prezident seçkilərini iyunun 3-nə təyin etmək niyyətindədir.
AFN.az xəbər verir ki, bu barədə “Yonhap” agentliyi hökumətdəki mənbələrə istinadən məlumat yayıb.
Bildirilir ki, seçkilərin keçirilməsi ilə bağlı məsələ Nazirlər Kabinetinin çərşənbə axşamı planlaşdırılan iclasında qaldırılacaq. "Seçkilərin tarixini müəyyən etmək üçün Nazirlər Kabinetinin iclasının keçirilməsinin vacibliyini bildirən dəqiq hüquqi normalar yoxdur. Amma bu, səsvermə günü müvəqqəti istirahət gününün olmasını tələb edəcək mühüm məqam olduğundan, bu məsələ Nazirlər Kabinetinin iclasında müzakirə olunacaq", - deyə mənbə bildirib.
Koreya Respublikası Prezidentinin səlahiyyətlərini icra edən Baş Nazir Han Deok Su prezidentin vəzifəsindən kənarlaşdırılmasından sonra 10 gün ərzində - aprelin 14-dək bir tarix təyin etməlidir. Aprelin 4-də Konstitusiya Məhkəməsi yekdilliklə indiki prezident Yoon Seok Yeolu hərbi vəziyyətə görə hakimiyyətdən kənarlaşdırıb, bu və ya digər şəkildə parlamentin bütün beş ittihamı ilə razılaşıb.
Ölkədə favorit 2022-ci ildə Yoon Seok Yeola 1%-dən az fərqlə məğlub olan müxalifət lideri Li Jae Myungdur.
