Küveyt əmiri: Öz ərazimizdən başqa ölkələrə təcavüzə imkan verməyəcəyik
İran prezidenti Məsud Pezeşkianla Küveyt əmiri Nəvaf Əl-Əhməd əl-Cabir əs-Sabah ilə telefon danışığı olub.
AFN.az İran mediasına istinadən xəbər verir ki, Pezeşkian telefon danışığı zamanı əmiri və Küveyt xalqını Fitr bayramı münasibətilə təbrik edib. O, müqəddəs Ramazan ayı və Qurban bayramının İslam ölkələri arasında birlik və həmrəyliyi gücləndirəcəyinə ümid etdiyini bildirib.
İran prezidenti vurğulayıb ki, Tehran qardaşlıq və mehriban qonşuluq əlaqələrinin dərinləşməsi və möhkəmlənməsi üçün Küveyt və digər qonşu ölkələrlə müxtəlif sahələrdə əlaqələrin genişləndirilməsi üçün istənilən formada əməkdaşlığa tam hazırdır.
Əmir Navaf Əl-Əhməd Əl-Cabir Əl-Sabah da öz növbəsində bayram münasibətilə özünün, Vəliəhdin və Küveyt xalqının təbriklərini çatdırıb. O, qeyd edib ki, Küveyt İran İslam Respublikası ilə dostluq əlaqələrini və İran ilə Körfəz Əməkdaşlıq Şurası (KƏŞ) ölkələri arasında qarşılıqlı hörmət və ortaq maraqlara əsaslanan əlaqələri yüksək qiymətləndirir.
Küveytin regional və beynəlxalq mübahisələrin sülh yolu ilə həlli ilə bağlı qəti mövqeyini vurğulayan əmir vurğulayıb ki, Küveyt öz ərazisindən başqa ölkəyə qarşı hər hansı təcavüz aktının törədilməsinə imkan vermir və heç vaxt verməyəcək: "Çünki bu mövqe konstitusiyamızda dərindən təsbit olunub və heç bir şəraitdə dəyişməz qalacaq".
