Yaponiyanın qərbində 6,4 və 5 bal gücündə iki zəlzələ baş verib
Yaponiyanın qərbindəki Ehime prefekturasının sahillərindəki Bunqo-suido boğazında 6,4 və 5 bal gücündə iki zəlzələ baş verib.
Yaponiya Meteorologiya Agentliyinin (JMA) açıqlamasına görə, 6,4 bal gücündə zəlzələ yerli vaxtla saat 23.14-də, 5 bal gücündə isə 23.19-da baş verib.
6,4 bal gücündə zəlzələ 50 kilometr dərinlikdə, 5 bal gücündə isə 40 kilometr dərinlikdə qeydə alınıb.
Ehime, Koçi, Oita və Xirosima prefekturalarında hiss olunan zəlzələlərdən sonra sunami xəbərdarlığı verilməyib.
Bunqo-suido boğazı Seto daxili dənizini Filippin dənizi ilə birləşdirir.
