İran: Müharibənin bitməsi üçün İsrail hücumlarını şərtsiz dayandırmalıdır
İran Prezidenti Məsud Pezeşkian müharibənin sona çatmasının yeganə yolunun İsrailin heç bir şərt irəli sürmədən hücumlarını dayandırması olduğunu bəyan edib.
Prezident Pezeşkian bu barədə “X” sosial şəbəkə hesabında paylaşım edib.
Pezeşkian bildirib ki, biz hər zaman sülhün və əmin-amanlığın tərəfdarı olmuşuq: "Hazırkı şəraitdə bizə qarşı zorla qəbul etdirilən bu müharibənin bitməsinin yeganə yolu düşmənin şərtsiz olaraq hücumlarını dayandırması və sionist terrorçuların macərapərəst fəaliyyətlərinə sonsuza qədər son verilməsi üçün qəti təminat verilməsidir. Əks halda düşmənə verəcəyimiz cavablar daha sərt və peşmanedicə olacaq”.
