CNN: Trampın nümayəndələri Rusiya-Ukrayna danışıqları üçün İstanbulda olacaq
ABŞ prezidenti Donald Trampın İstanbulda Rusiya-Ukrayna danışıqlarında iştirak edib-etməməsindən asılı olmayaraq, prezidentin Ukrayna və Rusiya üzrə xüsusi nümayəndəsi Keyt Kelloq və onun Yaxın Şərq üzrə xüsusi nümayəndəsi Stiv Vitkoff İstanbulda olmağı planlaşdırır.
Bu barədə CNN-ə yüksək rütbəli ABŞ rəsmisi məlumat verib.
ABŞ rəsmisi CNN-ə mayın 15-də İstanbulda keçiriləcək Rusiya-Ukrayna danışıqları barədə danışıb.
Trampın mümkün iştirakının Rusiya prezidenti Vladimir Putinə böyük təzyiq göstərdiyini qeyd edən rəsmi “Trampın danışıqlara qatılmaq qərarı böyük ölçüdə Rusiya prezidenti Putinin iştirakından asılıdır” deyib.
Rəsmi qeyd edib ki, heç kimin cümə axşamı danışıqlarının necə yekunlaşacağı barədə heç bir fikri yoxdur: "Hazırda hər şey çox dinamikdir".
“Tramp iştirak edib-etməməsindən asılı olmayaraq, ABŞ prezidenti Trampın Ukrayna və Rusiya üzrə xüsusi nümayəndəsi Kelloq və Yaxın Şərq üzrə xüsusi nümayəndəsi Vitkoff danışıqlar üçün İstanbulda olmağı planlaşdırır”, - deyə rəsmi bildirib.
Bundan əlavə, rəsminin sözlərinə görə, Trampın komandası Türkiyənin vasitəçiliyi ilə Rusiya və Ukrayna arasında danışıqları müşahidə etməyi planlaşdırır.
