Hindistanda traktorun gölməçəyə aşması nəticəsində 15 nəfər ölüb
İlkin məlumata görə, Hindistanda traktorun gölməçəyə aşması nəticəsində 8-i uşaq, 7-si qadın olmaqla 15 nəfər ölüb.
Hindustan Times-ın məlumatına görə, Uttar Pradeş ştatında sürücü idarə etdiyi traktoru başqa bir avtomobillə toqquşdurmaqdan yayınaraq, gölməçəyə aşırıb.
İlkin məlumata görə, 8-i uşaq, 7-si qadın olmaqla 15 nəfər tərs çevrilərək gölməçənin palçıqlı suyuna batmış traktorun qoşqusunda həyatını itirib.
Səlahiyyətlilər qəzada yaralananların olduğunu, gölməçədə axtarış-xilasetmə işlərinin davam etdiyini bildirib.
