Dağıntılar altından çıxarılan ana və 5 yaşlı oğlu xəstəxanada qovuşdular - VİDEO
Dağıntılar altından xilas edilən ana və 5 yaşlı oğlu, xəstəxanada bir-birinə qovuşub.
Mərkəzləri Kahramanmaraş olan 10 vilayətdə baş verən zəlzələdən sonra Hatayda dağıntılar altından xilas edilən ana 5 yaşlı oğlu ilə Adanada xəstəxanada yenidən bir araya gəlib.
AFN.az Türkiyə mediasına istinadən xəbər verir ki, Antakyanın General Şükrü Kanatlı rayonunda yerləşən 5 mərtəbəli Nehir mənzilinin 3-cü mərtəbəsində yaşayan 43 yaşlı Eysem Açıkgöz və onun 5 yaşlı oğlu Bəkir İlteriş Kaplan zəlzələ nəticəsində dağılmış binalarının altında qalıb. Axtarış-xilasetmə qrupları tərəfindən 36 saat sonra dağıntılar altından çıxarılan kiçik Bəkir Hatay Təhsil və Araşdırma Xəstəxanasında ilk müalicəsinin ardından Adana Şəhər Təhsil və Araşdırma Xəstəxanasına köçürülüb. Oğlundan təxminən 1 saat sonra xilas edilən ana da eyni xəstəxanaya aparılıb. Eyni xəstəxanada müalicə olunduqlarından xəbərsiz olan Açıkgöz oğlunu tapmaq üçün səhiyyə işçilərindən kömək istəyib. Bəkir təcili yardımda ona baxan Sosial İşçi Caner Fuat Kurta da anasının harada olduğunu bilmədiyini deyib.
Ailəsi yanında olmayan uşaqların şəkillərini çəkən Kurt, Açıqgözün oğlunu axtardığını öyrənincə şəkilləri göstərərək ana ilə oğlunun görüşməsinə şərait yaradıb. Oğlunun müalicə olunduğu otağa gətirildiyini görən ananın duyduğu sevinc bunun şahidi olan işçi heyətini də kövrəldib.
Dağıntılar altında qaldıqdan sonra səslərini eşitdirməyə çalışdıqlarını izah edən Eysem Açıkgöz İstanbuldan gələn qrupların səsini eşitdiyini və təxminən 1 saat sonra əvvəlcə oğlunu, sonra özünü xilas etdiklərini bildirib. Açıqgöz, Bəkirin xilas edildikdən sonra Hatay Təhsil və Araşdırma Xəstəxanasına aparıldığını öyrəndiyini deyərək ora getdiyini bildirib: "Amma oğlumu tapa bilmədim, çox narahat oldum. Məni xəstəxanaya göndərdilər. Oğlumu israrla orada da axtardım. Sosial xidmətlərə cavabdeh olan qardaşımıza təşəkkürlər, fotoşəkilləri göstərdi. Onu tapdılar".
