Azərbaycan bəzi ölkələrdən quş əti və yemlərinin gətirilməsinə qadağa qoyub
Azərbaycan bəzi ölkələrdən quş əti və yemlərinin gətirilməsinə qadağa qoyub.
Bu barədə AFN.az-a Azərbaycan Respublikasının Qida Təhlükəsizliyi Agentliyi (AQTA) məlumat verilib.
Bildirilib ki, Azərbaycan Respublikasının Qida Təhlükəsizliyi Agentliyi başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından (WOAH) daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir.
Ümumdünya Heyvan Sağlamlığı Təşkilatının rəsmi məlumatlarına əsasən, Niderland Krallığının Cənubi Hollandiya əyalətində süngərvari ensefalopatiya, İordaniya Haşimilər Krallığının Zarqa əyalətində, İraq Respublikasının Bəsrə, Nəcəf, Dəhuk, Ərbil, Bağdad, Diyalə və Süleymaniyyə əyalətlərində dabaq, İsveç Krallığının Blekinqe əyalətində Nyukasl, Rumıniyanın Braşov inzibati ərazi vahidində, Almaniya Federativ Respublikasının Saksoniya-Anhalt vilayətində, Boliviya Çoxmillətli Dövlətinin Koçabamba inzibati ərazi vahidində, Türkiyə Respublikasının Afyonqarahisar vilayətində, Amerika Birləşmiş Ştatlarının Virciniya və Texas ştatlarında isə yüksək patogen quş qripi xəstəliyi qeydə alınıb.
Respublika ərazisinin qeyd olunan yoluxucu xəstəliklərdən qorunması məqsədilə Niderland KraIığının Cənubi Hollandiya əyalətindən bütün növ diri iribuynuzlu kənd təsərrüfatı heyvanları və onlara aid məhsulların, o cümlədən genetik materialların, tərkibinə heyvan mənşəli zülal və sümük unu əlavə olunan yemlərin idxalına, İordaniya HaşimiIər KralIığının Zarqa əyalətindən, İraq Respublikasının Bəsrə, Nacaf, Dəhuk, Ərbil, Bağdad, Diyalə və Süleymaniyyə əyalətlərindən diri heyvanların, heyvan mənşəIi məhsulların və xammalın idxalına, həmçinin tranzit daşınmasına, İsveç Krallığının Blekinqe əyalətindən WOAH-nin "Quruda yaşayan heyvanların sağlamIıq Məcəlləsi"nə əsasən, zonalaşma prinsipi nəzərə alınmaqla, diri quş və inkubasiya yumurtalarının, quş əti və hər növ quşçuluq məhsulları (Nyukasl viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəIi, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına və ölkə ərazisindən tranzit daşınmasına, Rumıniyanın Braşov inzibati ərazi vahidindən, Almaniya Federativ Respublikasının Saksoniya-Anhalt vilayətindən, Boliviya Çoxmillətli Dövlətinin Koçabamba inzibati ərazi vahidindən, Türkiyə Respublikasının Afyonqarahisar vilayətindən, Amerika BirIəşmiş Ştatlarının Virciniya və Texas ştatlarından WOAH-nin "Quruda yaşayan heyvanların sağlamlıq Məcəlləsi"nə əsasən, zonalaşma prinsipi nəzərə alınmaqla, diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (quş qripi viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına və ölkə ərazisindən tranzit daşınmasına müvəqqəti məhdudiyyət tətbiq olunub.
Eyni zamanda nəzarət tədbirlərinin gücləndirilməsi məqsədilə bu ərazilərdən gələn, yaxud tranzitlə keçən nəqliyyat vasitələri ilə bağlı müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
