Ağ Ev Ukraynaya kömək etmək üçün qaçqınlarla bağlı siyasətini sərtləşdirməyə razıdır
Bayden administrasiyası kompromislərə, o cümlədən sürətli deportasiya prosedurunun genişləndirilməsinə və qaçqınların yoxlanılması prosedurunun sərtləşdirilməsinə razılaşmağa hazırdır. Ağ Ev respublikaçıların Ukraynaya yeni maliyyələşdirməni təsdiq etməsi üçün bunu edəcək.
Bu barədə məlumatlı mənbəyə istinadən "Reuters" xəbər yayıb.
Xüsusilə, Ağ Ev sığınacaq almaq üçün sınaq standartlarını sərtləşdirməyə hazırdır. Bundan əlavə, səlahiyyətlilər ABŞ-a gedərkən üçüncü ölkələr vasitəsilə gələn ərizəçilərə sığınacaq verilməsindən imtina etməyə razılıq verməyi nəzərdən keçirir.
Ağ Evin strateji kommunikasiyalar üzrə koordinatoru Con Kirbi bildirib ki, ABŞ Konqresin mövqeyini nəzərə alaraq Ukraynaya yardımın davam etdirilməsi ilə bağlı hər hansı təminat verə bilmir.
Ukrayna, İsrail və Tayvana yardımın ayrılması ilə bağlı qanun layihəsi ABŞ Konqresinin Senatında prosessual səsvermədən keçməyib. Layihəni irəli sürən demokratların lazımi səsləri toplaya bilmədiyi bildirilir.
