Haniyə: HƏMAS-ın atəşkəs təklifinə cavabı Baydenin bəyanatları və BMT-nin qərarı ilə uyğundur
HƏMAS Siyasi Bürosunun rəhbəri İsmayıl Haniyə Qurban bayramı ilə bağlı verdiyi açıqlamada təşkilatın Qəzza zolağında atəşkəs və əsir mübadiləsi ilə bağlı ABŞ-ın təklifindən uzaqlaşması ilə bağlı ittihamları rədd edib.
HƏMAS lideri bildirib ki, onların Qəzza zolağında atəşkəs və məhbus mübadiləsi razılaşmasına verdikləri cavab ABŞ prezidenti Co Baydenin bəyanatları və Birləşmiş Millətlər Təşkilatının (BMT) Təhlükəsizlik Şurasının müvafiq qərarları ilə uyğun gəlir.
“HƏMAS-ın atəşkəs təklifinə cavabı Baydenin açıqlamaları və BMT-nin qərarı ilə uyğun gəlir” - deyə o qeyd edib.
Fələstinlilərin hər cəbhədə işğalçılara qarşı mübarizə apardıqları başqa bir bayrama girdiklərini deyən təşkilat lideri bildirib ki, Fələstin xalqı
tarixdə görünməmiş ağır mühasirə və ən dəhşətli ağrılar yaşayır.
İsrailin işğala qarşı Fələstin xalqından daha çox müqavimət və əzmkarlıqdan başqa bir şey görməyəcəyini vurğulayan Haniyə İsrailin dərhal sərhəd qapılarını açması və Qəzza xalqının ehtiyaclarını çatdırması üçün hər kəsi təcili hərəkətə keçməyə çağırıb.
