İran HƏMAS-ın atəşkəs təklifini qəbul etməsini alqışlayır
İran Xarici İşlər Nazirliyinin sözçüsü Naser Kenani Qəzza zolağında atəşkəs razılaşması ilə bağlı Qətər və Misirin təkliflərini HƏMAS-ın qəbul etməsini alqışladıqlarını bildirib.
İran Xarici İşlər Nazirliyinin rəsmi internet saytının məlumatına görə, Kenani HƏMAS-ın təsdiqlədiyi atəşkəs təklifini dəyərləndirib.
"İran sionist rejimin hücum və qətllərinin dərhal və daimi dayandırılmasını, Qəzza zolağındakı amansız blokadanın aradan qaldırılmasını, fələstinlilərin azad edilməsini, İsrailin işğalçı qüvvələrinin Qəzza zolağından tam və qeyd-şərtsiz çıxarılmasını dəstəkləyir" - deyə Kenani bildirib.
HƏMAS Hərəkatının Siyasi Bürosunun rəhbəri İsmayıl Haniyə Qətər və Misirin Qəzza zolağında atəşkəs razılaşması ilə bağlı təkliflərini bəyəndiyini bildirib.
