İlon Mask haqqında çəkilən sənədli filmin rejissoruna sərt reaksiya verdi
Texnologiya milyarderi İlon Mask həyatı haqqında dörd saatlıq sənədli film hazırlayan rejissor Aleks Gibnini sərt şəkildə tənqid edib.
AFN.az xəbər verir ki, Mask X platformasında etdiyi paylaşımlarda rejissor Gibnini “sıfır dürüstlüyə sahib” və “acılaşmış qoca” adlandırıb.
Mask sənədli filmin məqsədini hədəfdən yayındıran qaralama kampaniyası olduğunu bildirib. O, filmin dörd saatlıq müddətinə görə olduqca darıxdırıcı olduğunu qeyd edərək layihənin psixoloji müharibə əməliyyatı olduğunu iddia edib.
NPR-nin məlumatına görə, Maskın vəkili də Gibnini böhtana görə məhkəməyə verməklə hədələyib.
Rejissor Aleks Gibni festivalda verdiyi açıqlamada Maskı son dərəcə təhlükəli şəxs kimi xarakterizə edib. O, Maskın uşaqlıq dövründə yaşadığı travmaları bu gün cəmiyyətə əks etdirdiyini iddia edib.
Mask keçmiş partnyoru Eşli Sent-Klerin onunla bağlı məxfilik müqaviləsi müqabilində 40 milyon dollar təklif edildiyi barədə iddiasını rədd edib. O, Eşli Sent-Klerin əsassız iddialar irəli sürməsi ilə bağlı keçmişinin olduğunu yazıb.
Mask filmin hazırlanmasında onun yaxın çevrəsindən insanların iştirak etmədiyini bildirən tənqidçilərin fikirlərini də dəstəkləyib və layihənin qərəzli olduğunu vurğulayıb.
