Bayden Qəzza münaqişəsinə son verdiyi üçün Trampa təşəkkür edib
ABŞ-ın keçmiş prezidenti Co Bayden Qəzza zolağında atəşkəsə görə Donald Trampın rəhbərliyi altında ABŞ administrasiyasına minnətdarlığını bildirib.
AFN.az xəbər verir ki, o bu barədə özünün Facebook səhifəsində yazıb. Bayden Yaxın Şərqdə dinc gələcəyə ümid etdiyini bildirib.
“İndi ABŞ və dünyanın dəstəyi ilə Yaxın Şərq, davamlı olacağına ümid etdiyim sülh və israillilər və fələstinlilər üçün bərabər sülh, ləyaqət və təhlükəsizlik gələcəyinə doğru gedir. Prezident Trampa və onun komandasına işlərinə görə təşəkkür edirəm”, - deyə Bayden yazıb.
O, həmçinin administrasiyasının müharibəni bitirmək, israilli girovları əsirlikdən geri qaytarmaq və fələstinli mülki şəxslərə yardım göstərmək səylərini qeyd edib. Sabiq prezident vurğulayıb ki, razılaşmaya gedən yol asan olmayıb.
Bayden atəşkəs, ağılasığmaz cəhənnəmdən keçən israillilərin və ölçüsüz itkilər verən Qəzzanın mülki əhalisinin evlərinə qayıtması xəbərlərinin onu rahatlatdığını deyib.
