İsrail BMT-də Fələstin konfransını “siyasi teatr” adlandırdı
İsrail BMT-də keçirilən Yaxın Şərq sülhü üzrə yüksək səviyyəli beynəlxalq konfransın mahiyyətini rədd edərək, onu “siyasi teatr” adlandırıb.
AFN.az xarici mediaya istinadən xəbər verir ki, İsrailin BMT-dəki daimi nümayəndəsi Dani Danon jurnalistlərə açıqlamasında ölkəsinin Fələstinin dövlət kimi tanınmasına beynəlxalq reaksiyasının olacağını deyib.
Danon qeyd edib ki, konfrans reallıqdan uzaqdır: “Makron və digər liderlər bayram edir, amma Qəzzada 48 girov hələ də saxlanılır. Bu konfrans yalnız təşkilatçı ölkələrin daxili maraqlarından doğub, diplomatiya deyil”.
Diplomat vurğulayıb ki, İsrail Qəzzada hərbi əməliyyatları davam etdirəcək və yalnız bütün girovlar azad ediləndə, HƏMAS tamamilə nəzarətdən çıxarılmayana qədər gələcəkdən danışmaq mümkün olmayacaq. Danon konfransı boş jest adlandırıb və ABŞ diplomatları ilə hərəkətlərin yaxın koordinasiyada aparıldığını bildirib.
O əlavə edib ki, İsrail geniş beynəlxalq tanınmaya cavab hazırlayır və bu tədbir, baş nazir Benyamin Netanyahu ABŞ-dan qayıtdıqdan sonra elan olunacaq. Danon xəbərdarlıq edib ki, Fələstinin bir tərəfli tanınması gələcəkdə nəticələrə səbəb olacaq.
