Braziliyada baş verən zəncirvari qəzada ölənlərin sayı 41-ə çatıb
Braziliyada dekabrın 21-də baş verən zəncirvari yol qəzasında həyatını itirənlərin sayı 41-ə yüksəlib.
Minas Gerais əyalət polisindən verilən açıqlamada, ölkənin Minas Gerais əyalətinin Teofilo Otoni qəsəbəsindəki BR-116 şosesində baş verən zəncirvari yol qəzasında ölənlərin sayının 41-ə yüksəldiyi və şəxsiyyətlərin müəyyən edilməsi işlərinin davam etdirildiyi qeyd edilib.
Açıqlamada qəzaya qarşı tərəfdən gələn yük maşınından qopan qranit blokunun səbəb olduğu və yük maşınının sürücüsünün axtarıldığı bildirilib.
Yük maşınının göstərilən yük miqdarını əhəmiyyətli dərəcədə aşdığı vurğulanıb.
