Misirdə sərnişin avtobusu aşıb: 12 nəfər ölüb, 33 nəfər yaralanıb
Misirin şərqindəki Süveyş əyalətində sərnişin avtobusunun aşması nəticəsində ölənlərin sayı 12-yə çatıb.
Misir Səhiyyə Nazirliyindən verilən açıqlamada Ayn Suhna yolunda baş verən qəza ilə bağlı cari rəqəmlər paylaşılıb.
Açıqlamada sərnişin avtobusunun aşması nəticəsində ölənlərin sayının 12-yə, yaralıların sayının isə 33-ə yüksəldiyi qeyd edilib.
Qeyd edək ki, nazirlikdən dünən verilən açıqlamada qəza nəticəsində 7 nəfərin öldüyü, 25 nəfərin yaralandığı bildirilib.
Mənbə: AA
