Kolumbiyada zəlzələdə ölənlərin sayı 331-ə yüksəlib
Cənubi Amerika ölkəsi Kolumbiyada avqustun 10-da baş verən 7,4 maqnitudalı zəlzələ nəticəsində həyatını itirənlərin sayı 331-ə çatıb.
AFN.az xəbər verir ki, Milli Fəlakət Risklərinin İdarə Edilməsi Bölməsi (UNGRD) ölkədə baş verən zəlzələ ilə bağlı son vəziyyətə dair açıqlama yayıb.
Açıqlamada zəlzələ nəticəsində ölənlərin sayının 2 nəfər artaraq 331-ə yüksəldiyi bildirilib.
Yaralananların sayının 4439, itkin düşənlərin sayının 240, dağıntılar altından sağ çıxarılanların sayının isə 364 olduğu qeyd edilib.
Kolumbiya hökuməti 7,4 maqnitudalı zəlzələnin səbəb olduğu dağıntıların nəticələrinin aradan qaldırılması istiqamətində işləri gücləndirmək məqsədilə iqtisadi, sosial və ekoloji fövqəladə vəziyyət elan etmişdi.
