Kolumbiyada silahlılar polis helikopterini vurublar: 8 nəfər ölüb
Kolumbiyanın şimalında "Mərkəzi Komandanlıq" silahlı qruplaşmasının üzvləri tərəfindən vurulan helikopterin qəzaya uğraması nəticəsində 8 polis əməkdaşı ölüb, 8-i yaralanıb.
AFN.az yerli mediaya istinadən xəbər verir ki, bu barədə ölkə prezidenti Qustavo Petro məlumat verib.
"Biz Amalfi bələdiyyəsində koka bitkilərini məhv etmək missiyasında işçiləri daşıyan vertolyotda olan səkkiz polis əməkdaşının öldüyünü təəssüflə bildiririk. Səkkiz polis əməkdaşı yaralanıb", - deyə o, X hesabında yazıb.
Prezidentin sözlərinə görə, helikopterin qəzaya uğramasına görə məsuliyyəti Antiokiya departamentində fəaliyyət göstərən “Mərkəzi Komandanlığın” 36-cı cəbhəsi daşıyır. Regionun qubernatoru Andres Julianın sözlərinə görə, təyyarə pilotsuz təyyarə ilə vurulub.
“Mərkəzi Komandanlıq” 2016-cı il sülh sazişinin imzalanmasından sonra ləğv edilən “Kolumbiyanın İnqilabçı Silahlı Qüvvələri”ndən olan keçmiş üsyançılar tərəfindən yaradılıb.
