ABŞ-ın husilərə qarşı zərbələri uzunmüddətli olacaq - Tramp
Birləşmiş Ştatlar Yəməndə husilərin mövqelərinə zərbələri uzun müddət davam etmək niyyətindədir.
AFN.az xəbər verir ki, bunu ABŞ prezidenti Donald Tramp Ağ Evdə jurnalistlərin suallarını cavablandırarkən deyib.
"Bu zərbələr çox uğurlu oldu, onlar bizim bütün vəhşi gözləntilərimizi aşdı. Biz onlara çox güclü zərbə vurduq. Və bunu uzun müddət davam etdirəcəyik", - deyə Amerika lideri bildirib.
Eyni zamanda, Tramp Signal messencerində ABŞ-ın Yəmənə hərbi zərbələri ilə bağlı məlumatların sızması ilə bağlı qalmaqal haqda suala sərt reaksiya verib. "Hücum o gecə və sonrakı dörd-beş gecə inanılmaz dərəcədə uğurlu olduğu üçün heç bir ziyan dəymədi. Bu barədə danışmalıyıq. Bunu sükan arxasında yatmış Co Bayden etməli idi, əlbəttə ki, pul oğurlamaqdan vaxt tapsaydı," - deyə Tramp vurğulayıb.
