Migel Diaz-Kanel: Kuba ilə ABŞ arasında dialoq hazırda dalana dirənib
Kuba Prezidenti Migel Diaz-Kanel ABŞ ilə aparılan dialoqun hələlik dalana dirəndiyini bildirib.
AFN.az xəbər verir ki, Kuba lideri ABŞ hökuməti ilə təmasların olmasına baxmayaraq, indiyədək irəliləyiş əldə edilmədiyini və dialoqun hazırda dalana dirəndiyini deyib.
Braziliyada fəaliyyət göstərən “Folha de S.Paulo” qəzetinə danışan Diaz-Kanel ada ölkəsinin çökmək astanasında olduğu barədə iddiaları qəbul etməyib, lakin ölkənin çətin bir dövrdən keçdiyini etiraf edib.
Diaz-Kanel ABŞ hökuməti ilə əlaqələrin qurulmasına baxmayaraq, hələlik irəliləyiş əldə edilmədiyini və dialoqun hazırda dalana dirəndiyini söyləyib.
Kubadakı mövcud vəziyyəti son dərəcə mürəkkəb və əziyyətverici kimi xarakterizə edən Prezident Diaz-Kanel “Mürəkkəb, lakin böyük yaradıcılıq və Kuba xalqının tarixi müqaviməti ilə xarakterizə olunan bir vəziyyətin içindəyik. Təzyiq altında dialoq ola bilməz” deyib.
Diaz-Kanel ABŞ Prezidenti Donald Tramp administrasiyasının milləti özünə tabe etmək cəhdi çərçivəsində şər hərəkət etdiyini bildirərək, ABŞ hökumətinə yönəltdiyi tənqidləri təkrarlayıb.
Kubada iyun ayında “fövqəladə kodla” təsdiqlənən 176 maddəlik islahat paketinin kapitalist islahatlar olmadığını və ölkədə kapitalist bərpasının baş verməyəcəyini vurğulayan Diaz-Kanel paketin iqtisadiyyatı liberallaşdırmağı və mərkəzsizləşdirməyi hədəflədiyini bildirib. O, maddələrin 76,1 faizinin hüquqi əsas qazandığını qeyd edib.
Milli mətbuatın məlumatına görə, Kuba iqtisadiyyatının 2020-2025-ci illər arasında 15 faizdən çox kiçildiyi təxmin edilir.
ABŞ-ın ilin əvvəlində başladığı neft blokadası və may ayından etibarən iqtisadiyyatın əsas sektorlarına tətbiq etdiyi ikinci dərəcəli sanksiyalar isə ölkədəki iqtisadi kövrəkliyi daha da dərinləşdirib.
Kubalılar elektrik enerjisinin kəsilməsi və ictimai nəqliyyatın demək olar ki, tamamilə dayanması səbəbindən çətin günlər keçirərkən, xəstəxanalar da yalnız minimum səviyyədə xidmət göstərə bilir. Xüsusilə qeyri-rəsmi bazarlarda ərzaq və dərman qiymətləri isə həddindən artıq yüksək səviyyələrə qalxıb.
Beynəlxalq ekspertlər beynəlxalq ictimaiyyəti təcili hərəkətə keçməyə çağırıblar.
