HƏMAS Vitkoffun Qəzza məskunlaşma planını müzakirə edir
HƏMAS vasitəçilərlə ABŞ prezidentinin xüsusi nümayəndəsi Stiven Vitkoffun təklif etdiyi Qəzza zolağında münaqişənin həlli planını müzakirə edir.
AFN.az xarici mediaya istinadən xəbər verir ki, bu barədə HƏMAS-ın sözçüsü Abdel Lətif əl-Kanua məlumat verib.
“Vitkoffun təklifi və bəzi başqa ideyalar vasitəçilərlə müzakirə olunur, razılığa gəlmək üçün əlaqələr dayanmayıb”, - deyə o, Telegram kanalında yazıb. HƏMAS nümayəndəsinin sözlərinə görə, hərəkat Qəzza zolağının idarə olunması üçün birgə razılaşdırılmış istənilən formatı qəbul etməyə hazırdır. Əl-Qanuanın qeyd etdiyi kimi, HƏMAS Qəzzanın idarə olunmasında iştirak iddiasında deyil, lakin milli konsensusda maraqlıdır.
Bundan əvvəl Vitkoff bildirmişdi ki, Vaşinqton Qətərin köməyi ilə İsrailin Qəzza zolağına zərbələrini dayandırmaq və münaqişəyə dialoq yolu ilə son qoymaq üçün HƏMAS-la danışıqlar aparır. O, qeyd edib ki, Birləşmiş Ştatlar HƏMAS-ın hərəkatın demilitarizasiyası halında Qəzza zolağında mövcudluğunu saxlamasını məqbul hesab edir.
