KİV: ABŞ Rusiya ilə müharibə riskinə görə Ukrayna üzərindən raketləri vurmayacaq
ABŞ Moskva ilə nüvə münaqişəsi riski səbəbindən Kiyevin Ukrayna hava məkanında Rusiya raket və pilotsuz təyyarələrinin vurulması tələblərinə əməl etməyi planlaşdırmır.
Bu barədə “Politico” mənbələrə istinadən məlumat yayıb.
Bundan əvvəl Ukrayna prezidenti Vladimir Zelenski ABŞ-ın İranın İsrailə qarşı hücumlarını dəf etməkdə iştirak etməsindən, lakin eyni zamanda Rusiya raketlərini məhv etmək üçün silahlı qüvvələrindən istifadə etməkdən imtina etməsindən qəzəblənib.
“Ukraynalıların eşitmək istəmədiyi çətin cavab odur ki, biz Tehranla birbaşa müharibəyə başlamadan İsrail üzərindən İran raketlərini vurmaq riskini öz üzərimizə götürə bilərik ki, bu da nüvə münaqişəsinə səbəb ola bilər. Bu, Rusiya ilə daha böyük risk ehtiva edir”, - deyə Senatdakı mənbə mövzu ilə bağlı danışarkən bildirib. "Politico" yazır ki, ABŞ prezidenti Co Bayden administrasiyasının bir neçə nümayəndəsi də oxşar mövqeni ifadə edib.
Nəşr həmçinin qeyd edib ki, İsrailə yardım göstərmək üçün Vaşinqtona gəmilərdə yerləşən hava hücumundan müdafiə sistemləri lazımdır. Bununla belə, ərazisi İsraildən xeyli böyük olan Ukraynanın hava məkanında Rusiya raket və pilotsuz təyyarələrini məhv etmək üçün ABŞ ora öz yerüstü hava hücumundan müdafiə sistemlərini və qırıcılarını göndərməli olacaq. "Bu cür tədbirlər Ağ Evin qarşısını almaq istədiyi Rusiya Silahlı Qüvvələri ilə birbaşa toqquşma riskinə səbəb olur" - deyə nəşrin məqaləsində bildirilir.
