Pakistanda tayfalar arasında torpaq davası: ölənlərin sayı 43-ə yüksəlib
Pakistanın şimal-qərbindəki Hayber Paxtunxva əyalətində iki qəbilə arasında dava nəticəsində baş verən silahlı toqquşmalarda ölənlərin sayı 43-ə, yaralıların sayı isə 180-ə yüksəlib.
"Dawn" qəzetinin xəbərinə görə, rəsmilər Əfqanıstan sərhədindəki Hayber Paxtunxva vilayətinin Kurram bölgəsində 6 gün əvvəl baş verən qarşıdurmaların Boşehra və Məlikel qəbilələri arasında dava səbəbiylə davam etdiyini bildirib.
Müxtəlif tayfa ağsaqqallarının müdaxiləsi ilə tərəflər arasında atəşkəsin əldə edildiyi açıqlansa da, Kürrəmin müxtəlif məntəqələrində qarşıdurmaların davam etdiyini bildirilir.
Gecə boyu davam edən minaatan hücumları nəticəsində 8 nəfər ölüb, 14 nəfər yaralanıb.
Səlahiyyətlilər, son 6 gündür davam edən qarşıdurmalarda həyatını itirənlərin sayının 43-ə, yaralıların sayının isə 180-ə yüksəldiyini bildirərək, ölənlərin sayından narahat olduqlarını açıqlayıblar
Kürrəm bölgəsindən olan keçmiş millət vəkili Sahid Turi "Anadolu" agentliyinə açıqlamasında əvvəlcə quru döyüşü zəminində baş verən hadisələrin artıq məzhəb qarşıdurmasına çevrildiyini bildirib. “Bəzi bölgələrdə atəşkəs tətbiq olunub, amma hələ də atəş altında olan yerlərdə zorakılığı dayandırmaq üçün əlimizdən gələni edirik” - deyə o bildirib.
Rayonda yaranmış gərginlik səbəbindən bütün məktəblərdə tədris dayandırılıb, əsas yollarda nəqliyyatın hərəkəti dayandırılıb. Pişəvər və Paraçinarı birləşdirən magistral avtomobillərin hərəkəti üçün bağlanıb.
Yolların bağlanması ərzaq və dərman təminatında problemlər yaradıb.
