Pakistan İsveçrədə Ukrayna ilə bağlı konfransda iştirak etməyəcək
İslamabad iyunun 15-16-da İsveçrədə Ukrayna üzrə keçiriləcək konfransda iştirakdan imtina etmək qərarına gəlib.
AFN.az xəbər verir ki, bu barədə TASS-a diplomatik mənbələrdən bildirilib. "Pakistan öz neytrallığını qoruyur" - deyə məlumatda qeyd edilib.
İsveçrə hakimiyyəti iyunun 15-16-da Bürgenstok kurortunda Ukrayna ilə bağlı konfrans keçirməyi planlaşdırır. İsveçrənin Xarici İşlər Nazirliyi bildirib ki, Bern 160-dan çox nümayəndə heyətini, o cümlədən Yeddilik Qrupu, İyirmilik Qrupu və BRİKS ölkələrindən dəvət edib. İsveçrə hakimiyyətinin məlumatına görə, Rusiya Federasiyası bu görüşə dəvət olunanlar arasında yoxdur. Rusiya prezidenti Vladimir Putin bildirib ki, əgər onlar ölkəni orada görmək istəməsələr, Rusiya konfransda iştirak üçün müraciət etməyəcək.
