Dünyanın ən təhlükəli qadın siyasətçisinin adı açıqlanıb
Şimali Koreya prezidenti Kim Çen Inın bacısı Kim Yo Çen dünyanın ən təhlükəli qadınıdır.
AFN.az xəbər verir ki, bunu Şimali Koreyalı ekspert "Fox News Digital"a deyib. Tufts Universitetinin Fletçer məktəbinin professoru Sung Yun Lee, "Mən iddia edərdim ki, bu gün Kim Yo Çen bütün Koreya tarixində və bəlkə də bütün dünya tarixində həqiqətən də dünyanın ən təhlükəli qadınıdır" - deyə bildirib: "Nisbətən gənc olsa da (sentyabrın sonunda 36 yaşı tamam olacaq) o, şübhəsiz ki, öz millətinin kobud, şovinist, kişi dominant fasadına daha yumşaq obraz gətirən qadındır. Buna çox ciddi yanaşmaq lazımdır".
Kim Yo Çen ilk dəfə 2011-ci ildə atası Kim Çen İr ilə birlikdə ictimaiyyət qarşısında çıxış edib, lakin Cənubi Koreyanın Pxençxan şəhərində keçirilən 2018 Qış Olimpiya Oyunlarında iştirak edənə qədər əsasən arxa planda qalıb. Bir neçə ay sonra o, qardaşını Cənubi Koreya prezidenti Mun Çje İnlə tarixi zirvə görüşündə müşayiət edib.
Bu yaxınlarda o, qardaşını Rusiyada Vladimir Putinlə gğrüşdə müşayiət edib, iki liderin görüşündən əvvəl Vostoçnıy kosmodromunu ziyarət edib.
Analitiklər Kim Yo Çeni qardaşının mümkün varisi kimi görürlər və Li inanır ki, o, qardaşının uşaqları vəzifəni ələ keçirəcək yaşda olana qədər onun regenti ola bilər. Lakin professora görə, bu çox təhlükəli ola bilər.
Li bildirib ki, bu səlahiyyət xüsusilə narahatedicidir. "ünki bu, ona qardaşı ilə birlikdə ölkənin nüvə silahı arsenalına nəzarət etmək səlahiyyətini verəcək. O isə keçən il bir neçə dəfə bəyanat verərək, Cənubi Koreyanı "Şimali Koreya ərazisinə bir güllə açacağı təqdirdə" pis şeylərin olacağı ilə hədələyir.
