BMT: Qara Dəniz Taxıl Təşəbbüsünün canlandırılmasına diqqət edirik
Birləşmiş Millətlər Təşkilatının (BMT) Humanitar Məsələlər üzrə Koordinasiya Ofisinin (OCHA) sözçüsü Jens Laerke, Qara Dəniz Taxıl Təşəbbüsünün canlandırılmasına diqqət yetirdiklərini bildirib.
O, Qara Dəniz Taxıl Təşəbbüsündən başqa alternativ variantlarla bağlı sualı cavablandırıb.
Qara Dəniz Taxıl Təşəbbüsünü canlandırmaq üzərində cəmləşdiklərini ifadə edən Laerke bildirib: “Biz inanırıq ki, Qara Dəniz Təşəbbüsünə qayıdış həm Rusiya Federasiyasından, həm də Ukraynadan milyonlarla ton taxıl və gübrə ixracını asanlaşdıracaq, bazarları rahatlaşdıracaq və Qara dənizdə dəniz təhlükəsizliyini artıracaq”.
