Prezident Ağdaşa səfər edib
Azərbaycan Respublikasının Prezidenti İlham Əliyev oktyabrın 28-də Ağdaş rayonuna səfərə gedib.
Dövlət başçısı xalqımızın ümummilli lideri Heydər Əliyevin Ağdaş şəhərində ucaldılmış abidəsini ziyarət edərək önünə gül dəstəsi qoyub.
Prezident İlham Əliyevə son illər rayonda görülən işlər, həyata keçirilən layihələr, eləcə də Ulu Öndərin abidəsi ətrafında aparılan abadlıq-quruculuq işləri barədə məlumat verilib.
Səfər çərçivəsində prezident Ağdaş rayonunda yenidən qurulan Qolqəti-Dəhnəxəlil-Qoşaqovaq-Ərəbocağı avtomobil yolunun açılış mərasimində, Ağdaş şəhərinin içməli su təchizatı və kanalizasiya sistemlərinin istifadəyə verilməsi tədbirində, Ağdaş Telekommunikasiya Qovşağının inzibati binasının, Biyan Sənaye Parkının açılış mərasimlərində iştirak edib.
