Fransa Tehran Səfirliyindəki diplomatlarını təxliyə etdi
Fransanın son dövrdə artan təhlükəsizlik narahatlıqları səbəbindən Tehran Səfirliyində çalışan diplomatik heyəti təxliyə etdiyi bildirilib.
AFN.az xəbər verir ki, İranın "Fars" Xəbər Agentliyinin məlumatına görə, Fransanın Tehran Səfirliyi son vaxtlar yaşanan gərginliklər səbəbindən boşaldılıb.
Birləşmiş Krallığın da daha əvvəl Tehran Səfirliyini bağladığına dair xəbərlərin yayıldığı xatırladılaraq, Fransanın da təhlükəsizlik səbəbilə diplomatik heyətini ölkədən çıxardığı iddia edilib.
Məsələ ilə bağlı hələlik rəsmi bəyanat verilməyib.
