KIA K5 sedanları yanacaq sızması səbəbindən geri çağırılır
KIA 2020-ci il martın 27-dən 2024-cü il yanvarın 23-dək istehsal edilmiş K5 sedanlarını geri çağıracaq. Geri çağırma səbəbi potensial yanacaq sızması ilə bağlıdır.
AFN.az xəbər verir ki, məlumat carscoops.com saytında yayımlanıb.
İstehsalçı bildirir ki, bəzi avtomobillərdə yanacaq buxarına nəzarət sisteminin əks klapanı düzgün işləməyə bilər. Bu problem yanacaq çəninin zədələnməsinə gətirib çıxara bilər. Hazırkı vaxta qədər klapan problemləri ilə əlaqədar 20 yanacaq sızması hadisəsi qeydə alınıb.
Problemin həlli üçün dilerlər əks klapanı dəyişdirəcək və avtomobillərə yeni proqram təminatı quraşdıracaqlar.
