AB XİN rəhbərləri ABŞ-ın Ukrayna böhranının həlli planını müzakirə edəcəklər
Avropa İttifaqı ölkələrinin xarici işlər nazirləri bu gün Brüsseldə keçiriləcək görüşdə ABŞ-ın Ukrayna böhranının həlli üzrə yeni sülh planını nəzərdən keçirəcəklər.
AFN.az xəbər verir ki, bu barədə görüşə gələn AB-nin xarici siyasət xidməti rəhbəri Kaya Kallas jurnalistlərə məlumat verib.
“Biz Ukraynadakı vəziyyəti və ABŞ-ın yeni sülh planını müzakirə edəcəyik. Əlbəttə, planın həyata keçməsi və münaqişənin başa çatması üçün həm ukraynalıların, həm də avropalıların razılığı vacibdir” - deyə o bildirib.
