Fələstin prezidentinin nümayəndəsi: Qəzzada vəziyyət qeyri-sabitdir
Atəşkəsin başlanmasına baxmayaraq Qəzza zolağında vəziyyət qeyri-sabit olaraq qalır.
AFN.az xəbər verir ki, bunu Fələstin prezidentinin xüsusi nümayəndəsi və keçmiş baş nazir (2019-2024) Məhəmməd Ştaye bildirib. O, bu barədə Cenevrədə, BMT-də akkreditə olunmuş Jurnalistlər Assosiasiyası üçün brifinqdə açıqlama verib: “Biz, bildiyiniz kimi, atəşkəsin əldə olunmasından çox məmnunuq və bunun davamlı olacağına ümid edirik. Lakin deməliyəm ki, vəziyyət qeyri-sabit olaraq qalır".
Məhəmməd Ştayenin sözlərinə görə, ərzaq yardımı hələ tam olaraq Qəzzaya çatdırılmayıb. Bundan əlavə, Qəzzaya bütün giriş nöqtələri hələ açılmayıb. "Onlar qismən açıqdır; xüsusən də Rəfah sərhəd keçid məntəqəsi yalnız bu gün səhər açılıb", - deyə nümayəndə əlavə edib.
