Merz: Putinlə Zelenskinin görüşü baş tutmaya bilər
Almaniya kansleri Fridrix Merz deyib ki, Rusiya prezidenti Vladimir Putin və Vladimir Zelenski arasında görüş baş tutmaya bilər.
AFN.az xarici mediaya istinadən xəbər verir ki, bu barədə o, Almaniya-Fransa hökuməti məsləhətləşmələrində iştirak etmək üçün səfər etdiyi Fransada açıqlama verib.
Merz Fransa prezidenti Emmanuel Makronla görüşdə bildirib: “Biz həm də dövrümüzün ən mühüm problemlərindən bir daha danışmaq istəyirik, çünki bizim ancaq birlikdə həll edə biləcəyimiz vəzifələr var. Bura Ukraynadakı hazırkı münaqişə də daxildir. Bu gün biz bu məsələyə yenidən müraciət etməliyik. Bu, Zelenski ilə prezident Putinin görüşünün baş tutmayacağının fonunda açıq-aşkardır.”
