İran ABŞ-dan İsrailin zərbələrini dayandırmağı xahiş edib - KİV
Oman və Qətərin Vasitəçiliyi Bildirilir
İsrailin “The Jerusalem Post” (JPost) qəzeti xəbər verir ki, İran Oman və Qətər vasitəsilə ABŞ-a müraciət edərək İsrailin zərbələrini dayandırmağı xahiş edib. Eyni mənbə Tehranın Vaşinqtona nüvə proqramı ilə bağlı danışıqları bərpa etməyə hazır olduğunu bildirdiyini də deyib. Bu danışıqlar İsrailin hərbi əməliyyatları səbəbindən dayandırılmışdı.
"JPost"un mənbəsinin məlumatına görə, Səudiyyə Ərəbistanı hakimiyyəti də danışıqların yenidən başlamasına yönəlmiş qeyri-rəsmi addımlar atır.
Qəzet qeyd edir ki, hazırda Vaşinqton açıq şəkildə tələb edir ki, Tehran Amerika şərtlərini — o cümlədən uranın zənginləşdirilməsindən tam imtina etməyi — qeyd-şərtsiz qəbul etsin. İsrailli yüksək vəzifəli rəsmisi "JPost"a bildirib ki, o, İranın bu tələbi rədd edəcəyinə ümid edir və bunun ABŞ-ın İsrailin hərbi kampaniyasına qoşulmasına təkan verəcəyini düşünür.
