"Nissan"da böhran: "Toyota" pusqudadır
"Toyota" dərin böhran içində olan "Nissan"a dəstək təklif edib. Bu ilin əvvəlində "Nissan" "Honda" ilə fəal danışıqlar aparırdı. Şirkətlər "Nissan"ın böhrandan çıxmasına kömək etməli olan birləşmə sövdələşməsinə yaxınlaşsalar da, razılaşma baş tutmadı.
AFN.az xəbər verir ki, bu barədə Yaponiya mətbuatı məlumat yayıb. Bildirilir ki, "Toyota" əsas rəqiblərindən birini dəstəkləməyə hazırdır. "Toyota"nın hansı dəstəyi təklif etdiyi məlum deyil. Nə "Nissan", nə də "Toyota" fevral danışıqları ilə bağlı məlumatı təsdiqləməyib.
Bununla belə, "Toyota"nın belə bir addımı məntiqli görünür: analitiklər hesab edir ki, avtomobil nəhəngi çətin ki, rəqibin sarsıntılı mövqeyindən yararlanmaq fürsətini əldən versin. Bu, "Toyota"nın illər boyu davranışına uyğun gəlir. 60 il əvvəl də şirkət "Daihatsu" səhmlərinin 0,22 faizini alıb və 2016-cı ildə şirkəti nəhayət mənimsəyincə payını tədricən artırıb.
Bundan əlavə, "Toyota" "Subaru"nun 20 faizinə, "Suzuki" və "Mazda"nın beş faizinə sahibdir. "Nissan" hələ də yeni təkliflərə açıqdır, lakin onun yaxın gələcəkdə əsas məqsədi fundamental daxili problemləri həll etməkdir.
Şirkətin top menecmentinin açıqladığı plana əsasən, brend həm potensialı, həm də personalı azaltmaqla köklü transformasiyaya məruz qalacaq. "Nissan" 20 minə yaxın işçisini ixtisar edəcək, dünya üzrə 17 fabrikdən yeddisini bağlayacaq, istifadə olunan platformaların sayını azaldacaq və ehtiyat hissələrinin istehsalını sadələşdirəcək.
