Myanmadakı zəlzələ Taylandı da vurdu: Ölənlərin sayı 96-ya yüksəldi
Martın 28-də Myanmada baş verən və qonşu Taylandda da güclü hiss olunan zəlzələlər səbəbindən paytaxt Banqkokda ölənlərin sayı artıb.
Banqkok səlahiyyətliləri şəhərdə həyatını itirən 96 nəfərdən 89-nun cəsədinin zəlzələdə çökən tikilməkdə olan 30 mərtəbəli binanın dağıntıları altından çıxarıldığını açıqlayıb.
Səlahiyyətlilər axtarış işlərinin bitdiyi dağıntılarda tapılan qalıqların onlardan xəbər alınmayan 7 nəfərə aid olub-olmadığının araşdırılacağını bildirib.
Qeyd olunub ki, aprelin 13-də binanın dağıntıları altından 36 meyit çıxarılıb.
Xatırladaq ki, martın 28-də Myanmada 7,7 və 6,4 bal gücündə iki zəlzələ baş verib. Zəlzələlər nəticəsində təxminən 3700 insan həyatını itirib, 5000-dən çox insan isə yaralanıb.
