Myanmada beş gün dağıntılar altında qalan şəxs xilas edilib
Xilasedicilər Myanmanın Saqainq şəhərində güclü zəlzələdən sonra beş gündür binanın dağıntıları altında qalan bir şəxsi xilas edib.
AFN.az xəbər verir ki, bu barədə yerli MRTV kanalı məlumat yayıb.
Xilasetmə əməliyyatı doqquz saatdan çox davam edib.
Martın 28-də Myanmada güclü zəlzələ baş verib. Taylandın Meteorologiya Departamenti yeraltı təkanların maqnitudasını 8,2 olaraq qiymətləndirib. Bundan sonra 6,4 bal gücündə ikinci zəlzələ baş verib. Təbii fəlakətdən Tayland da zərər çəkib, yeraltı təkanlar Çin və Vyetnamda hiss olunub. Myanmada baş verən zəlzələ 2800-dən çox insanın həyatına son qoyub. Banqkokda ölənlərin sayı 22-yə çatıb.
