Ukrayna Polşadan 5 min "Starlink" terminalı alıb
Polşa kritik infrastruktur obyektlərində istifadə olunacaq 5000 "Starlink" terminalını Ukraynaya köçürüb.
AFN.az xəbər verir ki, bu barədə Ukraynanın rəqəmsal transformasiya naziri Mixaylo Fedorov özünün "Telegram" kanalında bildirib.
"Polşadan daha 5 000 "Starlink" terminalı alınıb. Ümumilikdə Ukrayna 50 000-dən çox "Starlink" terminalı alıb, onların 29 500-ü Polşadan gəlib", - deyə nazir qeyd edib.
Onun sözlərinə görə, terminallar kritik infrastruktur obyektlərində fasiləsiz əlaqəni təmin edəcək.
Polşanın Rəqəmsallaşdırma Nazirliyi məlumat verib ki, Polşa hakimiyyəti 2022-ci ildən 2024-cü ilin sonuna qədər Ukrayna üçün nəzərdə tutulan 24,5 min Starlink peyk rabitə terminalının alınması və abunə ödənişi üçün 83,5 milyon dollar xərcləyib. 2025-ci ildə Varşava bu məqsədlər üçün 20 milyon dollar ayırmağı planlaşdırır.
