"Volkswagen" milyonlarla dollar cərimələnib
"Volkswagen"in Britaniya maliyyə qolu, çətin vəziyyətdə olan borc alanlarla pis rəftar etdiyi iddiasına görə 5,4 milyon funt sterlinq (7 milyon dollar) məbləğində cərimələnib.
AFN.az xəbər verir ki, bu barədə "Bloomberg" Böyük Britaniya Maliyyə Davranış Təşkilatına (FCA) istinadən məlumat yayıb.
Avtomobil şirkətinin bölməsi indi 21,5 milyon funt sterlinq ödəyəcək. 2017-ci ilin yanvarından 2023-cü ilin iyuluna qədər "Volkswagen"in hərəkətləri nəticəsində zərər çəkə biləcək 110 minə yaxın borcalan həmin məbləği kompensasiya kimi alacaq.
FCA-nın icraçı direktoru Teresa Çembers "Volkswagen Finance"ın bəzi müştərilərin çətin vəziyyətini nəzərə almadığını və onların onsuz da ağır vəziyyətini daha da pisləşdirdiyini söyləyib.
Avtomobil ödənişindən geri qalan insanlara borclarını sıralamağa imkan verilməyib. Şirkətin işçiləri problemlərə sərt yanaşıblar. Firmanın müştəri xidməti agentləri telefon danışıqları zamanı empatiya və peşəkarlıq çatışmazlığı nümayiş etdiriblər. Məsələn, borcluların buraxdığı səhvlərə gülüblər.
Öz növbəsində, avtomobil nəhənginin nümayəndələri bütün bu çatışmazlıqları etiraf etdilər və müştərilərlə işləmək üçün müəyyən edilmiş proseduru tənzimlədiklərini əmin etdilər. Bundan əlavə, Volkswagen bölməsi dəymiş ziyana görə üzr istəyib.
Oktyabrın əvvəlində məlum oldu ki, "Volkswagen" tarixdə ilk dəfə Almaniyadakı zavodlarını bağlaya və işçilərini ixtisar edə bilər. Avqust ayında Almaniyada satışları 69 faiz azalan elektrik avtomobillərinə yerli istehlakçı marağının azalması səbəbindən avtomobil istehsalçısı dərin böhran içindədir. Üstəlik, Çin istehsalçılarının rəqabəti öz təsirini göstərir.
