Zelenski əsir mübadiləsindən danışdı
Ukrayna prezidenti Vladimir Zelenski Telegram hesabından verdiyi açıqlamada Rusiya ilə aparılan son məhbus mübadiləsindən bəhs edib.
Daha 103 Ukrayna əsgərinin evlərinə qaytarılmasının mümkün olduğunu qeyd edən Zelenski, əsir mübadiləsi prosesinə verdiyi töhfələrə görə komandasına təşəkkür edib.
Qeyd edək ki, əsir mübadiləsi Birləşmiş Ərəb Əmirliklərinin vasitəçilik səyləri nəticəsində baş tutub. Mübadilə zamanı 103 əsir Ukrayna, 103 əsir isə Rusiya tərəfinə təhvil verilib.
